xnxxvlxx xnxxxarab www.xnxxbro.com www.xnxxpapa.com
+ (354) 8200446
  • 1
  • 2
  • 3
  • 4
  • 5
  • 6
  • 7
  • 8

Hugleiðingar um liðið sumar og horft til framtíðar

Mörgum kann að finnast það skrítið en undirritaður hefur aldrei velt því mikið fyrir sér hvernig veiði kann að verða á komandi sumri. Það hefur einhvern veginn alltaf verið þannig í mínum huga að laxinn kemur með sumrinu, stundum mikið af honum, stundum minna - en hann kemur. Séu skoðaðar veiðitölur frá síðasta sumri (2016) eru skráðir 853 laxar á laxasvæðinu, af þeim voru 27 yfir 100 cm og 545 voru 70 – 99 cm að stærð. Það segir okkur að tveggja til þriggja ára laxar hafi verið um 64% af heildar veiði síðasta sumars á laxasvæði Vatnsdalsár.

Á silungasvæðinu veiddist töluvert af laxi þó veiðibækur sýni ekki marktækar tölur, því einhverra hluta vegna vill oft gleymast að skrá inn lax þar þó silungar séu samviskusamlega skráðir í veiðibækur. Nú er stefnt að því í samvinnu veiðimanna á silungasvæðinu að bæta skráningu þannig að bændur og landeigendur geti skoðað og fylgst með aflabrögðum á sínum jörðum. Bændur og þeirra samtök sýna ábyrgð hvað varðar náttúruna. Þeir passa vel sín tún og ofbeita ekki ræktarlönd. Eins hafa þeir margir hverjir stutt með ráðum og dáðum að ekki sé gengið of nærri laxastofnum á vatnasvæðum í þeirra landi. Undirritaður hefur átt mjög gott og árangursríkt samstarf með landeigendum í Vatnsdal um verndun og uppbyggingu á laxasvæðinu með sjálfbærni í huga. Það hófst fyrir tuttugu árum þegar við tókum upp fyrirkomulagið að veiða og sleppa öllum löxum og láta þannig náttúruna njóta vafans. Þetta var stórt skref í upphafi og ákveðin fórn fyrir marga en fáir sjá eftir því í dag, það þykir sjálfsagt.

Sú uppbygging sem staðið hefur yfir í Vatnsdalsa í átt að sjálfbærni má segja að sé ákveðin náttúruvernd, veiða og sleppa fyrirkomulagið er í raun okkar leið til að ná jafnvægi í náttúruna án þess að grípa inn í með seiðasleppingum eða öðru. Auðvitað eru ekki allir sammála, sumir halda því fram að fyrirkomulagið virki ekki þó rannsóknir sem gerðar hafa verið sýni ótvíræða sönnun þess að lax lifir eftir sleppingu og fjölgar sér í ánni. Almenn umræða um náttúruvernd hefur aukist jafnt og þétt á síðustu áratugum og er hið besta mál. Vatnsaflsvirkjanir og stíflugerð, raflínur eða stóriðjur hafa verið áberandi í allri umræðu land- og náttúruverndarsamtaka. Ég furða mig stundum á því af hverju samtök um náttúruvernd hafi ekki komið sterkar inn í umræðu um fiskeldi við strendur Íslands. Verndun íslenska hálendisins er vissulega mikilvæg en ég tel alveg jafn mikilvægt að spyrna fótum gegn þeim glórulausu áformum um innflutning á norskum eldislaxi. Ef fer sem horfir munu norsk fiskeldisfyrirtæki hugsanlega eyðileggja hverja ána af annarri líkt og þeir hafa gert í Noregi með frjóum norskum eldislaxi. Það er sorglegt að horfa upp á fiskeldisfyrirtæki, sem hafa brennt allar brýr að baki sér í Noregi, boðin velkomin til Íslands. Það er vissulega ánægjulegt hve hátt hlutfall af tveggja og þriggja ára laxi skilaði sér til baka á síðasta veiðisumri. Nú er spurning hversu mörg ár líði þangað til laxinn ratar ekki heim vegna erfðablöndunar við norskan eldislax. Fiskeldi verður stundað í framtíðinni en það verður að stunda það á ábyrgan hátt og læra af mistökum. Það þarf að vernda íslenska laxinn og mótmæla öllu laxeldi í sjó.

Megi laxinn Lifa,

Pétur.

Drop us your email address and stay connected with us