Hér erum við aðeins með vangaveltur Í annars erfiðu veiðisumri þar sem allt fór af stað með látum í byrjun sumar og menn hér í dalnum gerðu miklar væntingar til sumarsins. Eins og staðan er í dag þá gengu þessar vangaveltur ekkialveg eftir en í dag erum að nálgast 600 laxa hér á laxasvæðinu, sem er töluvert undir meðalagi seinustu ára. Annað árið í röð virðist sem svo að eins árs laxinn hafi ekki skilað sér eins og við vonuðumst til.

Það sem kætir okkur hérna við Vatnsdalsá er að við höfum jú fengið töluvert að stórum löxum. Á undanförnum árum höfum við vigtað laxa reglulega sem hafa verið sleppt aftur í ána. Það sem við höfum komist að er það að smálaxinn 60 til 74 cm er í raun alveg eins þungur og skalli Veiðimálastofnunar segir til um. Eftir þeim skalla skráum við þá laxa sem við veiðum og náum að losa af flugunum okkar hér við Vatnsdalsá. Við höfum hinsvegar veitt því athygli að laxar sem eru yfir 85 cm eru í öllum tilfellum 3 til 4 pundum þyngri en skallinn segir til um. Þetta á náttúrlega við um laxa sem við fáum hér í Vatnsdalsá það má vel vera að laxar í öðrum ám séu nær skalla heldur en þeir sem við fáum hér í Vatnsdal ,jú því að stofnarnir eru jafn margir og árnar. En Hvað um það, þrátt fyrir þessa vitneskju skráum við alla laxa samkvæmt skalla Veiðimálastofnunar. Ef hinsvegar við veltum aðeins vöngum yfir þessu þá getur maður vel haldið því fram að lax sem nær 96 cm gæti vel verið 20 pund, nú ef svo er þá getum við vel haldið því fram að það séu 20 laxar sem ná tuttugu pundum nú þegar. Við eigum góða möguleika á að auka við þá tölu þar sem þessir höfðingjar eru að verða ansi skapstyggir og þola illa að það séu einhverskonar aðskotahlutir í fluguformi að sniglast í kringum hreiðurstæðin þeirra.

Megi laxinn lifa