Síðustu 3 dagar hafa verið ákaflega erfiðir hérna í dalnum, það hefur verið mjög hvasst mikið gengið á. Ekki veit sá er hér skrifar hvort þetta hefur eitthvað að gera með launabaráttu hjá veðurstofuni eða bara veðurguðirnir gleymt hvaða mánuður er.

En hvað um það. Harðduglegur og skemmtilegur hópur sem hefur verið með okkur í mörg ár lét ekki dræm aflabrögð eða skíta veður trufla sig og skemmtu sér vel að vanda. Þeir enduðu hollið með 10 löxum fengu 2 morgunn 75 og 77 cm grá lúsugar hrygnur. Það byrjaði nýtt holl í vikunni og var Vatnsdalsá söm við sig og bauð dömurnar í hópnum hjartanlega velkomnar þar sem tókst að landa pari og var hængurinn 93 cm hryggnan minni en parið grá lúsugt. Þá setti þriðja daman í lax í Hólakvörn fallegan tveggja ára lax sem lak af í löndun.

Flottur dagur stelpur!

Megi laxinn lifa